Barbón recalca que se buscará "a un terceru" si Arcelor nun lleva alantre los sos planes n'Asturies

El presidente avanza que se convocará'l Foru pola Industria p'abordar esti asuntu

El presidente del Principáu, Adrián Barbón, recalcó’l compromisu del Gobiernu d’España pa qu’Asturies nun quede ensin siderurxa integral, de mou que si ArcelorMittal "nun quixere o nun pudiere" llevar alantre los sos planes na comunidá buscaráse "a un terceru" pa que lo faga.

Asina lo aseguró esti miércoles el xefe del Executivu nel plenu del parllamentu asturianu un día dempués de que la multinacional diere anuncia de que, pel momentu, aparca los sos planes pa la construcción de plantes de mengua directa de mineral de fierro (DRI) n’Europa, inxerta la de Xixón.

Barbón comentó que ye un "tema importantísimu" y de un "debate mui fonderu" y recalcó que "tolo que ta pasando tien que ver cola política agresiva industrial de los Estaos Xuníos y de China" nesta materia.